Finalizado o pasado 15 de xullo de 2008 o prazo para a presentación de solicitudes das axudas do programa de promoción do emprego autónomo previstas na orde da Consellería de Traballo do 21 de abril de 2008 ( DOG nº 81, do 28 de abril), no Diario Oficial de Galicia de hoxe luns 28 de xullo, publícase a Orde da Consellería de Traballo do 18 de xullo de 2008, pola que se reabre o prazo para a presentación de solicitudes das ditas axudas.
O novo prazo xeral para solicitar as axudas do programa rematará o 15 de setembro de 2008.
Mediante esta orde poderán subvencionarse as altas no réxime especial de traballadores por conta propia ou autónomos ou en mutualidade de colexio profesional que cumprindo os requisitos e condicións establecidas na orde do 21 de abril de 2008, se formalicen ata o 15 de setembro de 2008 inclusive.
Volver
